Apple-მა დონალდ ტრამპისთვის 24 კარატიანი ოქროსა და მინის ქანდაკება დაამზადა

თეთრ სახლში გამართულ პრესკონფერენციაზე, რომელიც Apple-ის აშშ-ში წარმოების ახალ გეგმებს ეხებოდა, აღმასრულებელმა დირექტორმა ტიმ კუკმა პრეზიდენტ დონალდ ტრამპს საჩუქარი გადასცა: iPhone-ის მინის მწარმოებელი Corning-ის „უნიკალური“ მინის ნაჭერი, რომელიც 24 კარატიან ოქროს ბაზაშია მოთავსებული.

მინის ნაჭერი დიდი დისკია, რომელზეც Apple-ის ლოგოა ამოტვიფრული. მინის ზედა ნაწილში პრეზიდენტ ტრამპის სახელია დაბეჭდილი. ქვედა ნაწილში კი კუკის ხელმოწერაა, ასევე წარწერა „დამზადებულია აშშ-ში“ და წელი 2025. კუკის თქმით, მინა შექმნილია „აშშ-ის საზღვაო ქვეითთა კორპუსის ყოფილი კაპრალის“ მიერ, რომელიც Apple-ში მუშაობს. ბაზა „იუტას შტატიდანაა.